2020 թվականը Երևանի «Գլաձոր» համալսարանի համար նշանավոր տարեթիվ է: Բուհը տոնում է ստեղծման
երեսունամյակը: Ինչպես յուրաքանչյուր հոբելյանական տարեթիվ, այնպես էլ
30-ամյակը «Գլաձոր»-ի համար նշանավորվում է նոր գաղափարներով ու նոր մտքերի կյանքի կոչմամբ: Այսուհետ համալսարանի առաջին կուրսեցիների համար սեպտեմբերի 1-ը կստանա
նոր խորհուրդ: Նրանցից յուրաքանչյուրը երդման արարողությամբ հավատարմության խոստում կտա իրեն գրկաբաց ընդունած կրթության կաճառին և կվաստակի
գլաձորցի կոչվելու պատիվը:
Առաջին կուրսեցու երդման տեքստ
Ես
Երևանի «Գլաձոր» համալսարանի ուսանողս,
Երդվում
եմ
Լինել առաքինի և ուսումնատենչ,
յուրացնել մասնագիտական գիտելիքներն ու չբավարարվել դրանցով,
վառ պահել հայ կրթական ու գիտական
մտքի կանթեղն իմ ուսումնառության բոլոր տարիների ընթացքում և ապագայում,
հարգել ու սիրել կրթության՝
«Գլաձոր» կոչվող կաճառում անձնվիրաբար ուսուցանող դասախոսներիս և ականջալուր լինել
նրանց յուրաքանչյուր խոսքին,
լինել միջնադարյան Գլաձորի համալսարանի
ավանդույթների կրող մերօրյա բուհի արժանի զավակն ու կարկառուն ներկայացուցիչը, լինել
արժանի կրելու գլաձորցի հնչեղ անունը:
Երդվում եմ՝ մշտապես հավատարիմ
մնալ երդմանս: