ՊԱՏՄՈՒԹՅՈՒՆԸ

րևանի «Գլաձոր» համալսարանի հայոց լեզվի և գրականության ֆակուլտետը ստեղծվել է 2006 թվականին: Ֆակուլտետի ստեղծման անհրաժեշտությունը պայմանանվորված էր հստակ նպատակադրմամբ՝ պատրաստել բարձրորակ մասնագետներ, որոնք ոչ միայն իրենց ներդրումը կունենան սերունդ կրթելու դժվարին գործում, այլև կկարողանան մասնագիտական կարողությունները և համալսարանում ձեռք բերած գիտելիքները ծառայեցնել ի նպաստ ՀՀ կրթական համակարգի բարելավմանը, մատաղ սերնդի՝ որպես ՀՀ քաղաքացու դաստիարակմանը:
Ինչպես առհասարակ համալսարանում, հայոց լեզվի և գրականության ֆակուլտետում նույնպես ուսուցումը իրականացվում է եռաստիճան համակարգով՝ բակալավրիատ (քառամյա ուսուցում), մագիստրատուրա (երկամյա ուսուցում), ասպիրանտուրա (առկա ուսուցում՝ եռամյա, հեռակա ուսուցում՝ քառամյա. հայցորդ ձևակերպվելու հնարավորություն համալսարանը ևս ընձեռում է):
Բակալավր պատրաստելու ուսումնական ծրագիրը բաղկացած է, ինչպես կրթական համակարգում ընդունված է ասել, հանրապետական բաղկացուցչից, բուհական բաղադրիչից և մասնագիտական առարկաներից, որոնք համապատասխանաբար խմբավորվում են ըստ ընդհանուր հումանիտար և սոցիալ-տնտեսագիտական, հատուկ և մասնագիտական դասընթացների: Հատուկ և մասնագիտական առարկաների շարքն ընդգրկում է հայոց լեզվի և խոսքի մշակույթի, լեզվաբանության, մանկավարժության հիմունքները, ընդհանուր լեզվաբանությունը, հայոց լեզվի պատմությունը, հայ գրականության պատմությունը, հայ քննադատական մտքի պատմությունը, հայոց լեզվի դասավանդման մեթոդիկան, հայ գրականության դասավանդման մեթոդիկան, գրաբարը, հայերենի համեմատական քերականությունը, հայոց լեզվի ոճագիտությունը, գրականագիտության տեսությունը, արտասահմանյան գրականության պատմությունը, հայոց լեզվի իմաստափոխությունը, բարբառագիտության հիմունքները և այլն: Ընդ որում արտասահմանյան և հայ գրականության պատմությունները բաղկացած են հետևյալ դասընթացներից՝ անտիկ գրականության պատմություն, Վերածննդի արտասահմանյան գրականության պատմություն, 17-20-րդ դդ. արտասահմանյան գրականության պատմություն և հայ ժողովրդական բանահյուսություն, հայ հին և միջնադարյան գրականության պատմություն, հայ նոր գրականության պատմություն, հայ նորագույն գրականության պատմություն, հայ արդի գրականության պատմություն, սփյուռքահայ գրականության պատմություն:

ԴԱՍԱՎԱՆԴՈՒՄԸ

նդհանուր հումանիտար և սոցիալ-տնտեսագիտական դասընթացների շրջանակներում ուսումնասիրվում են փիլիսոփայություն, մշակութաբանություն, կրոնի պատմություն, հայոց պատմություն, գեղագիտություն, տրամաբանություն, հոգեբանություն, իրավագիտություն, տնտեսագիտություն, ինչպես նաև ինֆորմատիկա, քաղաքացիական պաշտպանության և արտակարգ իրավիճակների հիմնահարցեր, բնապահպանություն և այլն: Ուսումնական ծրագրի կարևորևորագույն մասն են կազմում լեզուների, մասնավորապես՝ ռուսերենի և անգլերենի դասընթացները:
Առանձնակի ուշադրության են արժանանում ֆիզիկական պատրաստվածության պարապմունքները, որոնք կազմակերպվում են հանրապետական բուհական կառույցների շարքում տեխնիկական հագեցվածությամբ մրցելի մարզադահլիճում, որտեղ դասավանդում են բարձրակարգ մասնագետներ:
Ուսման պրոցեսի պարտադիր մասն է կազմում մանկավարժական պրակտիկան, որի ընթացքում ուսանողները մասնագիտական փորձառություն են անցում ոչ միայն մայրաքաղաքի, այլև մարզերի դպրոցներում, իրենք են վարում դասերը, կազմակերպում տարաբնույթ միջոցառումներ՝ աշակերտների գիտելիքների բարձրացման ու ամրապնդման, գեղագիտական ճաշակի ձևավորման, ուսման հանդեպ հետաքրքրություն սերմանելու համար: Պրակտիկան ղեկավարում են և՛ համալսարանի կողմից նշանակված մասնագետները, և՛ դպրոցի ուսուցիչները, որոնք դասալսումների, պրակտիկանտների հետ ամենօրյա հանդիպում-քննարկումների, մասնագիտական փորձի փոխանակաման միջոցով պարբերաբար հետևում և վերահսկում են փորձառության ամբողջ ընթացքը՝ հնարավորինս բարձր արդյունքների հասնելու, ուսանողների տեսական գիտելիքները գործնական աշխատանքով համակողմանիորեն ամրապնդելու շահագրգռվածությամբ: Որպես կանոն՝ հայոց լեզվի և գրականության ֆակուլտետի մանկավարժական պրակտիկան ավարտվում է դպրոցներից համալսարան ուղղված շնորհակալագրերով:
Ուսումնառության արդյունավետ միջոցներ են կուրսային և անհատական աշխատանքները (պարտադիր արտացոլվում են նաև առարկայական ծրագրերում), որոնք անմիջականորեն նպաստում են ուսանողների ինքնուրույն աշխատելու, վերլուծելու կարողությունների դրսևորմանը, հետևաբար նաև բարձրակարգ մասնագետ դառնալու իրական հավանականությանը: Իրենց անհատական աշխատանքներով հայոց լեզվի և գրականության ֆակուլտետում սովորողները պարբերաբար մասնակցում են համալսարանի ուսանողական գիտական ընկերության ամենամյա նստաշրջանին, արժանանում պատվոգրերի և շնորհակալագրերի: Ապագա բանասերները բազմաբնույթ սեղծագործություններով պարբերաբար հանդես են գալիս համալսարանի կողմից հրատարակվող գրեթե 15-ամյա կենսագրությամբ ուսանողական-երիտասարդական «Նոր Գլաձոր» ամսաթերթում:
Ֆակուլտետի ուսանողության տրամադրության տակ են համալսարանի հարուստ գրականությամբ, անհրաժեշտ պայամաններ գերապահովող և հարմարավետ գրադարանը, մասնավորապես՝ մասնագիտական գրականությունը (ուսումնական և գիտական), լինգոֆոնային կաբինետները, համակարգչային սրահները, էլեկտրոնային գրադարանը, որն ընձեռում է համացանցի տեղեկատվական աղբյուրներից անվճար օգտվելու լայն հնարավորություններ: Երևանի «Գլաձոր» համալսարանի հայոց լեզվի և գրականության ֆակուլտետն ավարտած բակալավրը.

• ազատ տիրապետում է  մասնագիտական հայոց լեզվին (գրավոր և բանավոր) և հաղորդակցվում է օտար լեզվով,
• գիտե հայերենի տեղը լեզուների ծագումնաբանական, տիպաբանական և տարածքային դասակարգման մեջ, գրաբարի, միջին հայերենի, արևելահայերենի ու արևմտահայերենի կառուցվածքային հատկանիշները, հնչյունական, բառային և քերականական համակարգերը, հայոց լեզվի պատմական զարգացման ընթացքում տեղի ունեցած փոփոխությունները, ծանոթ է առավել կարևոր գրավոր հուշարձաններին, գիտե հայոց լեզվի բարբառային կազմը և բարբառների դասակարգման սկզբունքները,
• կողմնորոշվում է գրական հայերենի տեսական հիմնախնդիրներում, տիրապետում է հայերեն տեքստի լեզվաբանական և պատմաբանասիրական վերլուծության մեթոդիկայի հիմունքները, կարողանում է կատարել խմբագրական աշխատանք,
• գիտե հայ գրականության պատմության զարգացման շրջափուլերը,
• ծանոթ է նրանց առանձնահատկություններին, գրական երկերում արծածված գաղափարական հարցադրումներին, գրական հոսանքներին ու ուղղություններին,
• կարող է  օգտագործել գրականագիտական վերլուծության հիմնական մեթոդները:
• պատկերացում ունի առողջ կենսակերպի մասին, տիրապետում է ֆիզիկական կատարելագործման ունակությունները և հմտությունները,
• գիտե հայ ժողովրդի պատմությունը և արդի քաղաքագիտական հայեցակարգերը,,
  ծանոթ է  համաշխարհային մշակույթին, տիրապետում է վարվելաձևի կուլտուրան,
• գիտե դրա էթիկական և իրավական նորմերը, որոնք կարգավորում են մարդու և հասարակության, մարդու և շրջակա միջավայրի հարաբերությունները,
• գիտե հոգեբանության և մանկավարժության տարրերը,
• ծանոթ է ժամանակակից փիլիսոփայական ուղղություններին,
• գիտե տնտեսագիտության տեսության հիմնադրույթները, անցումային շրջանի տնտեսության առանձնահատկությունները,
• ծանոթ է ժամանակակից բնագիտության հիմնական սկզբունքներին և հայեցակարգերին,
• տիրապետում է տեղեկատվության հավաքման, պահպանման և մշակման համակարգչային մեթոդները և կարող է օգտագործել ժամանակակից տեղեկատվական տեխնոլոգիաներ,
• գիտե քաղաքացիական պաշտպանության և արտակարգ իրավիճակներում վարվելակերպի կանոնները,
• տիրապետում է արտակարգ իրավիճակներում բնակչության առաջին բժշկական օգնության ունակությունները,
• գիտե էկոլոգիայի և բնության պահպանության հիմունքները:

ԱՇԽԱՏԱԿԱԶՄ

այոց լեզվի և գրականության ֆակուլտետի կրթական ծրագիրն իրականացնում են բարձրակարգ մասնագետներ, որոնք գիտության դոկտոր-պրոֆեսորներ են, գիտության թեկնածուներ, դոցենտներ, բազմաթիվ գիտական աշխատությունների հեղինակներ, զբաղվում են գիտամանկավարժական և գիտամեթոդական գործունեությամբ: Ֆակուլտետի աշխատանքները կանոնակարգում է համապատասխան ամբիոնը, որի վարիչն է բանասիրական գիտությունների դոկտոր, պրոֆեսոր Արտաշես Պապոյանը: Հայոց լեզվի և գրականության ամբիոնի ընթացիկ գործերը վարում է ամբիոնի լաբորանտը:

Համալսարանի օրհներգը (mp3)
Օրհներգի տեքստը (pdf)
Ուսումնական գործնեության հավատարմագիր
Գիտական նորություններ
Ծառայում ենք հայրենիքին

Սոտւգեք Ձեր ինտերնետի արագությունը

Կրթական նորություններ

ՈՐՏԵ՞Ղ ԵՆՔ ԳՏՆՎՈՒՄ

Արդյունքների ամփոփում

ՖՈՏՈՆՅՈՒԹԵՐ

ՊԱՐԳԵՎՆԵՐ