րևանի «Գլաձոր» համալսարանի գրադարանը սկսել է գործել հիմնադրման օրվանից, 1990 թվականի սեպտեմբերից:
20 ուսումնական տարիների ընթացքում անընդհատ համալրվող գրադարանային ֆոնդը հասավ 14.115 պահպանման միավորի (մոտ 3.600 անվանում), բոլոր մասնագիտական և համալսարանական դասընթացների գծով (իրավագիտություն, տնտեսագիտություն, լրագրություն, քաղաքագիտություն, միջազգային հարաբերություներ, սոցիոլոգիա, հոգեբանություն, փիլիսոփայություն, օտար լեզուներ), գիտական ու գեղարվեստական գրականությամբ, բառարաններով, հանրագիտարաններով ինչպես հայերեն, այնպես էլ` անգլերեն։
Բուհական գրադարանի անխափան գործունեության ամենամեծ երաշխիքը գրքային ունեցվածքի շարունակական համալրումն է մեր օրերում հրատարակվող գրականությամբ, հիմնականում համալսարանի միջոցներով (բյուջետային միջոցների հաշվին), բաժանորդագրության, պաշտոնական վարչությունների և որոշ դասախոսների նվիրատվությունների շնորհիվ (Այծեմնիկ Ստամբոլցյան, Անի Արոյան` Օտար լեզուների ամբիոն, Էմանվել Մանուկյան` Լրագրության ամբիոն): Մեծաքանակ գրականություն է նվիրել նաև Ամերիկյան կոնգրեսը, Կալիֆորնիայի բարձրագույն դպրոցը, ՄԱԿ-ը:
Գրքաֆոնդը հարստանում է նաև մեր համալսարանի հրատարակություններով։ Ամեն տարի պարբերաբար լույս է ընծայվում համալսարանի դասախոսական անձնակազմի գիտական նյութերի ժողովածուն: Հիմնական ֆոնդն ըստ բովանդակության կարելի է բաժանել երեք մասի` ուսումնական, գիտական և գեղարվեստական գրականություն։ Այստեղից բազմօրինակ գրքերը, եզակի կամ արժեքավոր նյութերը սպասարկվում են ընթերցասրահում:  
րադարանի գրքային ունեցվածքը պարունակում է մի շարք արժեքավոր հրատարակություններ, որոնք կենտրոնացված են հազվագյուտ գրականության համար հատկացված պահարաններում։  
Հիմնական ուսումնական գրականությունը, կրթական ծրագրերին համապատասխանող նորագույն բուհական դասագրքերը կազմում են ընդհանուր գրքային ֆոնդի երրորդ մասը` 4.000 միավոր:
2004 թվականից գրադարանն ապահովված է երեք նոր համակարգիչներով, մշակված է և գործում է սեփական գրադարանային ֆոնդերի քարտադարանը, փնտրման համակարգի տվյալների բազան։
2006 թվականից  գրադարանը տեղափոխվեց համալսարանի նորակառույց, ընդարձակ հարկաբաժինը, նորաոճ և հարմարավետ կահավորանքով։ Գրադարանն այսօր ունի գրապահոց, ընթերցասրահ: Գործում են նաև գիտական և Հայկական հարց ընթերցասրահները: Վերջինս ավելացավ ևս մեկ` պատմ. գիտ. դոկտոր Վահագն Դադրյանի “История армянского Геноцида” գրքով, որի հովանավորն է «Գլաձոր» համալսարանը:
Ամեն տարի ապրիլ ամսին գրադարանում տեղի է ունենում այդ թեմային նվիրված գիտաժողով:
Գրադարանում պարբերաբար կազմակերպվում են ցերեկույթներ` նվիրված մեր երախտավորների` գրողների, արվեստագետների հոբելյաններին:
Մեծ շուքով նշվեց նաև «Հայոց գրերի գյուտի» 1600 ամյակը:
Գրադարանը ակտիվ մասնակցություն է ունենում ամեն տարի Հայաստանում անցկացվող «Գրադարանային շաբաթ» ծրագրին: Վերջինիս ներկա են գտնվում նաև աշակերտներ տարբեր դպրոցներից:
2007 թվականից գրադարանը ապահովում է նաև «Գլաձոր»դպրոցի դասագրքերի սպասարկումը :
Գրանցված ընթերցողների իրական թիվն օրական կազմում է 30-40 մարդ (ուսանողներ, դասախոսներ, աշխատակիցներ, ասպիրանտներ, հայցորդներ, մեր համալսարանի շրջանավարտներ, նախապատրաստական բաժանմունքի ունկնդիրներ): Գրադարանի ծառայություններից օգտվում են նաև այլ բուհերի ուսանողները:
նթերցողական պահանջարկի բավարարումը գրադարանի հիմնախնդիրն է: Գրադարանն ունի սպասարկման անհրաժեշտ պայմաններ և սերտ կապի մեջ է Հայաստանի ազգային գրադարանի հետ:
«Գլաձոր» համալսարանի գրադարանի աշխատանքները ղեկավարում է գրադարանի վարիչ Մառլենա Մարգարյանը, բարձր մակարդակով սպասարկումը կատարում է գրադարանավարուհի Նարինե Համբարձումյանը: