ԵՐԵՎԱՆԻ ԳԼԱՁՈՐ ՀԱՄԱԼՍԱՐԱՆ

---

ԲԱԿԱԼԱՎՐԻԱՏ

Ընդունելությունը կազմակերպվում է՝

• առկա ուսուցման գծով՝ ՀՀ ԿԳՆ կենտրոնացված ընդունելության քննությունների,

• հեռակա ուսուցման գծով` համալսարանում կազմակերպվող քննությունների

ձևով։

Համալսարանը մասնագետներ է պատրաստում և որակավորումներ շնորհում հետևյալ մասնագիտությունների գծով.

 

Իրավագիտություն`	իրավաբան
Ֆինանսներ`	տնտեսագետ-ֆինանսիստ
Համաշխարհային տնտեսագիտություն`	տնտեսագետ
Հաշվապահական հաշվառում և աուդիտ`	տնտեսագետ-հաշվապահ
Կառավարում /մենեջմենթ/`	տնտեսագետ-մենեջեր
Միջազգային հարաբերություններ`	միջազգայնագետ-պատմաբան
Լրագրություն`	լրագրող
Օտար լեզուներ`	բանասեր, անգլերենի ուսուցիչ
Թարգմանչական գործ`	օտար լեզվի մասնագետ, թարգմանիչ
Ինֆորմատիկա և հաշվողական տեխնիկա`	ճարտարագետ
Հայոց լեզու և գրականություն`	բանասեր-մանկավարժ

 

Ուսման տևողությունն է՝

• առկա ուսուցմամբ՝ 4 տարի,

• հեռակա ուսուցմամբ` 5 տարի։

Բուհի շրջանավարտներին տրվում է պետական դիպլոմ։

Պետական և ոչ պետական միջնակարգ ուսումնական հաստատությունները գերազանցությամբ ավարտածները բուհի հեռակա բաժին կընդունվեն հարցազրույցով։ Երկրորդ մասնագիտական կրթություն ստանալ ցանկացողներն առարկայական տարբերությունները հանձնելուց հետո հրամանագրվում են երկրորդ կուրսում։

 

---

Մագիստրատուրա

Երևանի «Գլաձոր» համալսարանի, ինչպես նաև այլ բուհերի բակալավրի, դիպլոմավորված մասնագետի որակավորում ունեցող շրջանավարտները մասնագիտական գիտելիքները խորացնելու, վերամասնագիտանալու, ինքնուրույն գիտական ուսումնասիրություններ կատարելու և մագիստրոսի որակավորում ստանալու նպատակով կարող են իրենց կրթությունը շարունակել  համալսարանի մագիստրատուրայում։

Ուսման տևողությունն է՝

• առկա ուսուցմամբ՝ 2 տարի,

• հեռակա ուսուցմամբ` 3 տարի։

 Ուսուցումը կազմակերպվում է հետևյալ մասնագիտությունների գծով`

 

Իրավագիտություն

Ֆինանսներ

Համաշխարհային տնտեսագիտություն

Հաշվապահական հաշվառում և աուդիտ

Կառավարում /մենեջմենթ/

Միջազգային հարաբերություններ

Լրագրություն

Օտար լեզուներ

Թարգմանչական գործ

Ինֆորմատիկա և հաշվողական տեխնիկա

Հայոց լեզու և գրականություն

 

---

Ասպիրանտուրա

ՀՀ ԿԳ նախարարի՝ 2005թ. որոշմամբ «Գլաձոր» համալսարանն ունի իր ասպիրանտուրան՝ հետևյալ մասնագիտությունների գծով. իրավաբանական գիտություններ, տնտեսագիտություն, հայոց պատմություն, լրագրություն, օտար լեզուներ։

Ուսման տևողությունն է՝

• առկա ուսուցմամբ՝ 3 տարի,

• հեռակա ուսուցմամբ` 4 տարի։

Ուսուցումը կազմակերպվում է հետևյալ մասնագիտությունների գծով`

 

ԺԲ.00.01	Պետության և իրավունքի տեսություն և պատմություն
ԺԲ.00.02	Հանրային իրավունք-Սահմանադրական, վարչական, ֆինանսական, մունիցիպալ, բնապահպանական, եվրոպական իրավունք, պետական կառավարում
ԺԲ.00.03	Մասնավոր իրավունք-քաղաքացիական, առևտրային (կոմերցիոն), ընտանեկան, աշխատանքային, սոցիալական ապահովության, միջազգային մասնավոր իրավունք
ԺԲ.00.06	Միջազգային իրավունք
Ը. 00.02	Տնտեսության, նրա ճյուղերի տնտեսագիտություն և կառավարում
Ը. 00.03	Ֆինանսներ, դրամաշրջանառություն և վարկ
Ժ. 02.07	Գերմանական լեզուներ
Ժ. 01.07	Արտասահմանյան գրականություն
Է.00.01	Հայոց պատմություն
Ժ.01.06	Ժուռնալիստիկա

 

«Գլաձորի» շրջանավարտներից 18-ն արդեն գիտության թեկնածուներ են, 5–ը՝ նաև ունեն դոցենտի գիտական կոչում։ Նրանք իրենց ատենախոսությունները պաշտպանել են ՀՀ ԳԱԱ-ում, ԵՊՏՀ-ում, ԵՊՀ-ում գործող մասնագիտական խորհուրդներում։

Նրանք այժմ, դասավանդելով հարազատ բուհում, իրենց ներդրումն են ունենում գլաձորցիների նոր սերնդի կերտման գործում։

 

---

 

Բուհն իրեն իրավունք է վերապահում կնքելու անհատական պայմանագրեր և սահմանելու անհատական ուսման վարձ` զոհված ազատամարտիկների և երկկողմանի ծնողազուրկ երեխաների համար։

 

Ուսանողների ուսումնական և նախաավարտական պրակտիկաները կազմակերպվում և անցկացվում են հանրապետության իրավապահ մարմիններում (դատախազություն, դատարան), Ազգային ժողովում, Սահմանադրական դատարանում, Արտաքին գործերի նախարարությունում, Ֆինանսների նախարարությունում, հանրապետության առաջատար առևտրային բանկերում, վարկային կազմակերպություններում, խմբագրություններում, հեռուստառադիոընկերություններում, հանրակրթական և բարձրագույն ուսումնական հաստատություններում։

 

Ուսանողների ուժերով հրատարակվում է «Նոր Գլաձոր» ուսանողական-երիտասարդական թերթը։ Երևանի «Գլաձոր» համալսարանի կազմավորվող հեռուստառադիոստուդիայում ուսանողները կարող են պատրաստել և վարել հաղորդումներ։

 

«Գլաձորի» շրջանավարտներն աշխատում են հանրապետության և արտերկրի պետական և ոչ պետական հաստատություններում, կազմակերպություններում, իրավապահ մարմիններում, հեռուստա–ռադիոընկերություններում, առևտրային բանկերում, ապահովագրական ընկերություններում, վարկային կազմակերպություններում, հանրակրթական, միջնակարգ և բարձրագույն ուսումնական հաստատություններում։

 

«Գլաձորի» շրջանավարտներն առանձնանում են ոչ միայն իրենց մասնագիտական գործնական փորձառությամբ, այլև գիտության ոլորտում արձանագրվող հաջողություններով։ «Գլաձոր» կրթահամալիրը տրամադրում է ուսումնական և գիտական աշխատանքի, ինչպես նաև հանգստի և ժամանցի լայն հնարավորություններ։

Ուսանողներին սպասարկում են հարուստ գրադարանը, առարկայական լսարանները, օտար լեզուների խորացված ուսումնասիրությունն ապահովող լինգոֆոնային սրահները, համակարգչային լաբորատորիաները, էլեկտրոնային գրադարանը, որը հնարավորություն է տալիս միանալու աշխարհի տարբեր երկրների գրադարաններին, օգտվելու այդտեղ պահվող բազմալեզու բառարաններից, գիտության տարբեր բնագավառների հանրագիտարաններից, գիտական և գեղարվեստական գրականությունից, տարբեր լեզուների դասընթացներից, լրատվական հարուստ նյութերից։

Համալսարանի շենքում գործում է մարզասրահ` հագեցած ժամանակակից մարզագույքով, բուժկետ, բուֆետ, սրճարան։

Դեպի էջի սկիզբ....

---

ԵՐԵՎԱՆԻ Գլաձոր քոլեջ

 

Ընդունելությունը կատարվում է դիմորդների` դպրոցում ցուցաբերած առաջադիմության հիման վրա։ «Գլաձոր» քոլեջ կարող են ընդունվել դպրոցի 9-րդ դասարանի շրջանավարտները։

Քոլեջը մասնագետներ է պատրաստում և որակավորումներ շնորհում հետևյալ մասնագիտությունների գծով և ուսուցման հետևյալ տևողությամբ`
 

Բանկային գործ`	բանկային գործի մասնագետ /3 տարի/
Հայոց լեզվի դասավանդում`	հայոց լեզվի ուսուցիչ /4 տարի/
Օտար լեզվի դասավանդում`	օտար լեզի ուսուցիչ /4 տարի/
Հաշվողական տեխնիկայի և ավտոմատացված համակարգերի ծրագրային ապահովում՝	տեխնիկ /4 տարի/

 

Քոլեջի շրջանավարտները ՀՀ կառավարության 2002 թվականի մայիսի 20-ի N589-Ն որոշման համաձայն կարող են իրենց կրթությունը շարունակել ինչպես Երևանի «Գլաձոր» համալսարանի, այնպես էլ այլ պետական և ոչ պետական բուհերի համապատասխան մասնագիտությունների 2-րդ և 3-րդ կուրսերում։ Դասերն անցկացվում են Երևանի «Գլաձոր» համալսարանի շենքում։

 

Դեպի էջի սկիզբ....

---

ԵՐԵՎԱՆԻ Գլաձոր հանրակրթական միջնակարգ դպրոց

Կազմակերպվում է ընդունելություն 5-12-րդ դասարաններում: Դպրոցում իրականացվում է մասնագիտական (հումանիտար, բնագիտական, մաթեմատիկական) ուղղվածությամբ ուսուցում։ Դասերն անցկացվում են «Գլաձոր» համալսարանի շենքում։ Դպրոցում գործում են երկարօրյա խմբեր։

Ցանկության դեպքում դպրոցը մեքենաներով ապահովում է աշակերտների տեղափոխումը։

«Գլաձորը» նպատակ ունի վերականգնելու հայկական միջնակարգ դպրոցի ավանդույթները։ Շրջանավարտներին տրվում է միջնակարգ (լրիվ) ընդհանուր կրթության պետական ատեստատ։

Եթե ուզում եք ստանալ ռեալ գիտելիքներ, դիմեք Երևանի «Գլաձոր» հանրակրթական միջնակարգ դպրոց։

 

Դեպի էջի սկիզբ....

ԼՐԱՀՈՍ

ՈՐՏԵ՞Ղ ԵՆՔ ԳՏՆՎՈՒՄ